Կա մի որակ, որին երկրային ամուսնությունը երբեք հասնել չի կարող. կատարյալ լինելը: Կատարյալ ամուսնություններ չկան: Ցանկացած ամուսին և կին երջանիկ ու հաջողակ ամուսնության մեջ կասեն ձեզ, որ իրենց ամուսնությունը հեռու է կատարյալ լինելուց: Բայց դա չի նշանակում, որ մենք չենք կարող մեծարել և փառավորել Աստծուն՝ մեր ամուսնության միջոցով:
Ա Կորնթացիս 10.31-ն ասում է. «Ուրեմն՝ թե ուտեք, թե խմեք, թե ինչ գործ էլ, որ անեք, ամեն բան Աստծո փառքի համար արեք»:
Ամուսնությունը, իհարկե, բոլորովին մոտ չէ ուտելուն ու խմելուն, բայց այն, ինչ Պողոսը ուզում է ասել, այս է. ամեն ինչ միտում ունի Աստծուն փառավորելու, անգամ մեր փոխհարաբերությունները:
Ցանկացած զույգ, որ նպատակ ունի Աստծուն փառավորելու ու պատվելու, միշտ կլինի հաջողված: Ոչ թե կատարյալ ամուսնությունը, այլ ամուսնությունը, որը կարող է իր կյանքով պատվել Աստծուն:
Կա 6 ճանապարհ, որով քո ամուսնությունը կարող է փառավորել Աստծուն:
Սիրելով իրար
Հիսուսն ասում է Հովհաննես 13.34-ում. «Նոր պատվիրանք եմ տալիս ձեզ, որ իրար սիրեք. ինչպես ես ձեզ սիրեցի, որ դուք էլ իրար սիրեք»:
Երբ հնազանդվում ենք իրար սիրելու պատվիրանին, մենք պատվում են Աստծո օրենքները և այդպիսով պատվում Նրան՝ այդ ընթացքում:
Միասին հետևելով նպատակին
Աստված ունի ծրագիր ամեն ինչի և յուրաքանչյուրի համար, այդ թվում՝ ձեր ամուսնության, քո և քո կնոջ/ամուսնու համար: Երբ ամուսինները միասին են քայլում այդ նպատակի մեջ և կատարում են Աստծո կամքը, նրանք կպատվեն Աստծուն ավելի շատ: Արդյոք դուք գիտե՞ք ձեր նպատակը՝ որպես ամուսիններ և որպես առանձին անհատներ: Երբ հետևեք այդ նպատակին, Աստված կփառավորվի:
Առանձնանալով իրար համար և Աստծո համար
Աստվածաշունչն ասում է, որ հավատքը հաճեցնում է Աստծուն: Հավատարմությունը պահելը որոշիչ է՝ ամուսնության մեջ իրար պատվելու և Աստծուն պատվելու մեջ: Հավատարմության հիմնական նշանակությունը ողջ հավատքը և վստահությունը իրար մեջ դնելն է, ինչն էլ բերում է բավարարություն և ապահովություն: Երբ մենք այսպես ենք վարվում, պատվում ենք Աստծուն, ինչպես և մեր կողակցին:
Կառուցելով միաբան ընտանիք
Ամուսնության արդյունքը ընտանիքն է: Շատերը կունենան երեխաներ, մինչ մյուսները չեն ունենա, բայց անկախ դրանից՝ ընտանիքը մնում է ընտանիք: Ընտանիքն է հիմքը, որով Աստված նախասահմանել է հասարակությունը գոյություն ունենալու: Երբ ընտանիքները փնտրում են Քրիստոսին և ապրում Նրա ճանապարհներով, Աստված փառավորվում է:
Միասին աճելով ու նմանվելով Քրիստոսին
Քրիստոսին նմանվելը պետք է ամեն քրիստոնյայի նպատակը լինի: Եվ եթե կա մեկը, ով կարող է մեր հաշվետու գործակիցը լինել այդ հարցում, ապա դա ամուսինը/կինն է: Երբ մենք օգնում ենք իրար՝ զգայուն լինել Սուրբ Հոգուն հետևելու մեջ, մենք մեծարում ենք Աստծուն:
Օրհնելով ուրիշներին ձեր շուրջը
Աստվածապաշտ ամուսնությունը ոչ միայն օրհնություն է ամուսնու և կնոջ համար, այլ նաև նրանց շրջապատող մարդկանց համար: Երբ մենք ապրում ենք Աստծո համար, դա չի կարող չազդել աշխարհի վրա և չի կարող օրինակ չլինել աշխարհին: Դա մեծարում է Աստծուն և դառնում է միջոց մարդկանց համար՝ օրհնվելու ու դեպի Աստված դառնալու:
Պատրիկ Մաբիլոգ