Աստվածաշունչը սովորեցնում է մեզ, որ Աստված ամենուր է ամեն ժամանակ: Դավիթը անգամ այսպիսի հարց է տալիս. «… քո երեսիցը ուր փախչեմ» (Սաղմոս 139.7): Նա չի կարող այս հարցի պատասխանը գտնել: Բայց մենք միշտ չէ, որ գիտակցում ենք սա: Գուցե հիմա այնպիսի շրջանով եք անցնում, երբ հարցնում եք ինքներդ ձեզ, թե որտեղ է Աստված:

Այս դեպքերում արժե հիշել, որ անկախ նրանից՝ զգում ենք Աստծո ներկայությունը, թե ոչ, Աստված մշտապես մեզ հետ է:

  1. Երբ կյանքը գլխիվայր շուռ է գալիս.

Եթե կա մեկը, ում կյանքը գլխիվայր շուռ էր եկել, ապա դա Հակոբն էր: Նա փախչում էր իր եղբորից, ով ցանկանում էր սպանել իրեն: Նա ամեն ինչից փախչում էր, որ նորից սկսեր: Այդ փախուստի ժամանակ նա հանդիպում է Աստծուն: Եթե դու էլ նման ժամանակով ես անցնում, ասես աշխարհը գլխիվայր շուռ է եկել, հիշիր, որ Աստված քեզ հետ է:

  1. Երբ մենք հարձակման տակ ենք.

Եթե այսօր այդպես եք ձեզ զգում, ես աղոթում եմ, որ Աստված բացի ձեր աչքերը՝ տեսնելու Նրա ներկայությունը, ինչպես Եղիսեն աղոթեց, որ Աստված բացի իր ծառայի աչքերը, և վերջինիս աչքերը բացվեցին, ու նա տեսավ իրենց շուրջ կրակե կառքերը:

  1. Երբ պայքարում ենք մեր մեղքի հետ.

Երբ մեղք ենք գործում, մենք գիտակցաբար ընտրում ենք բաժանումը Աստծուց: Եթե զգում ես քեզ հեռու Աստծուց, և պատճառը մեղքն է, չկա ավելի լավ բան, քան Դավիթը այդ պահին արեց (Սաղմոս 51): Կոտրված սրտով հաշտվեք Աստծո հետ:

  1. Երբ մենք շփոթված ենք.

Շթոփության մեջ էլ Հիսուսը մեզ հետ է, որ օգնի մեզ ելքի ճանապարհ գտնել:

  1. Երբ մենք հակամարտության մեջ ենք՝ մարդկային հարաբերություններում.

Հիսուսն ասել է. «Որտեղ երկու կամ երեք հոգի իմ անունովը ժողովված լինեն՝ ես այնտեղ նրանց մեջ եմ»: Այս խոսքը նաև խոսում է այն մասին, որ անգամ անհամաձայնությունների ժամանակ Աստված այստեղ է՝ մեր մեջ և մեզ բոլորիս հետ:

  1. Երբ մենք մեր հարմարավետության գոտուց դուրս ենք.

Աստված միշտ մեզ հարմարավետության գոտուց դուրս է կանչում: Եվ այնտեղ մեզ կարող ենք միայնակ զգալ: Երբ Տերը կանչում է մեզ, Նա նույնպես խոստանում է. «Ահա ձեզ հետ եմ ամեն օր մինչև աշխարհի վերջը»:

Այնպես որ, այս վեց իրավիճակներից որով էլ անցնելու լինես, աղոթում եմ, որ հիշես՝ Հիսուսը Էմմանուէլն է. «Աստված մեզ հետ»:

Քևին Սենապատիրատնե

Հ.Գ. Աստված միշտ մեզ հետ է, իսկ դո՞ւ, կլինե՞ս միշտ Նրա հետ…