Մարդիկ, ում մենք ծառայում ենք, և ովքեր չեն ճանաչում Աստծուն ու ծանոթ չեն քրիստոնեական տերմիններին կամ սովորույթներին, ունեն ձեր կողմից հարգված ու հասկացված լինելու իրավունքը:

Այս խորհուրդները, որոնք հիմնվում են հեթանոսական երկրներում բազմամյա ծառայության փորձի վրա, կարող են օգնել ձեզ ավելի արդյունավետ ծառայել մարդկանց.

  1. Գոյություն ունեն նաև ուրիշ մարդիկ:

Գիտակցեք, որ աշխարհը չի պտտվում ձեր «ես»-ի շուրջը, այլ յուրաքանչյուրն ունի իր կենսական փորձը, որ ամեն մարդ ստեղծված է Աստծո կողմից, սիրված է Նրա կողմից:

  1. Ոչ ոք չի լսի ձեզ, եթե համոզված չէ, որ դուք համակրանքով եք վերաբերվում իրեն:
  2. Ոչ ոք ականջ չի դնի Աստծուն, եթե համոզված չէ, որ Աստված սիրում է իրեն:

Թշնամական վերաբերմունքի հետևում սովորաբար թաքնված է տառապանքը. դուք չգիտեք, թե ինչն է պատճառը, որ մարդը չի ընդունում Աստծուն, ուրեմն մի մոռացեք Աստծո սիրո մասին:

  1. Ուրիշ մարդիկ էլ ունեն բարոյական սկզբունքներ և արժեքներ:

Յուրաքանչյուր մարդ ունի իր բարոյական նորմերը: Մարդիկ, ովքեր չեն ճանաչում Քրիստոսին, վարվում են՝ ըստ իրենց բարոյականության մասին պատկերացումների:

  1. Մարդուն պատմելով Ավետարանի մասին՝ պետք է մտածել նախ նրա մասին, ոչ թե մեր:

Եկեք հարգենք մարդու ազատությունը և նրա անձնական տարածքը: Ավետարանով կիսվելը որոշակիորեն ընկերասիրության դրսևորում է, ոչ թե փորձ՝ ընդլայնելու միսիոներական ծառայությունը: Ավետարանն այն է, ինչ վերաբերում է Աստծո հանդեպ նրանց վերաբերմունքին, զգացմունքներին, ճշմարտությանը, մեղքին ու կյանքին:

  1. Թույլ մի տվեք, որ Ավետարանի մասին ձեր պատմությունը ընկալվի այլ կերպ, քան պատմություն ձեր կյանքում սիրո դրսևորման և հիասքանչ հիշողությունների մասին:

Պատմելով մարդկանց Հիսուսի մասին՝ մենք պատմում ենք Մեկի մասին, Ում սիրում ենք, և Ով դարձել է մեզ այնքան անհրաժեշտ, որ առանց Նրա ապրել չենք կարող, մենք պատմում ենք մի անսպասելի հանդիպման մասին: Սա կօգնի անկեղծորեն կիսվել մեր ներսի եղածով:

  1. Ներառեք ձեր խմբում մոլորված մարդկանց:

Քրիստոնյաները փակ ակումբ չեն: Նրանք բաց են՝ ընդունելու նրանց, ում բոլորը մերժում ու լքում են: Մենք փոխզիջման չենք գնում նման մարդկանց հետ, այլ լինում ենք այնպիսին, ինչպիսին որ կանք:

  1. Ներողություն խնդրեք նրանց համար, ում ներկայացնում եք:

Մենք բացահայտել ենք, որ շատ մարդիկ վիրավորված են կամ տուժած այն երևույթից, որ ըստ իրենց՝ «քրիստոնեություն» է:

  1. Եղեք անկեղծ:

Մենք պետք է լինենք անկեղծ այն ամենի մասին, ինչ մեր կյանքին է վերաբերում: Մենք չպետք է Հիսուսին բարդենք մարդկանց կյանքերի վրա, այլ պարզապես պատմենք, թե ինչ է Նա արել մեր կոտրված կյանքի հետ: Մի վախեցեք կիսվելու ձեր կասկածներով ու վախերով, ձեր դժվարություններով և գոհությամբ այն ամենի համար, ինչ Աստված արել է:

  1. Աղոթեք մարդկանց փրկության համար:

Պարզապես մենք կարիք ունենք աղոթելու ուրիշների համար: Սա ամրապնդում է մեր համոզվածությունն այն բանում, որ Աստված աշխատում է մարդկանց կյանքում այնպես, ինչպես մենք խնդրել ենք: Ավետարանչության արդյունքներն ու պտուղները՝ մի բան են, որ Աստված թույլ է տալիս մեզ տեսնել, բայց ինչի վրա մենք շատ քիչ ազդեցություն ենք ունենում:

  1. Հարցրեք մարդկանց՝ արդյոք նրանք ցանկանո՞ւմ են ճանաչել Հիսուսին:

Մի վախեցեք հարցնել մարդկանց՝ ցանկանո՞ւմ են արդյոք ճանաչել Տիրոջը, և այդ դեպքում դուք կզարմանաք, թե որքան հաճախ նրանք կասեն «այո»:

Աղբյուր՝ yesheis.ru