Շատերի համար կյանքը գոյությունը մի կերպ պահպանելու ծանր ընթացք է: Շատերն են հիասթափված, կոտրված… չգիտես էլ՝ ինչ կլինի վաղը…
Բայց ամենը, որ մենք կարող ենք անել, հիմքին վերադառնալն է, անգամ եթե «տունը քանդված է», հույսը՝ կորած, հավատքը՝ հանգած:
Վերահաստատել հիմքը, որը կառուցված է ոչ թե մեր երազանքներից ու երևակայությունից. դա ընդամենը ավազ է, այլ այն ամուր հիմքը՝ քարե հիմքը, որը հայտնության Խոսքն է շնորհի մասին, քավության, շնորհակալության, ներման Խոսքը, Աստծո զորության վկայությունը, որը ոչ մեկ անգամ դրսևորվել ու ամրացել է մեր սրտերում:
Հնարավոր է՝ սա դժվար է անել փոթորկի ժամանակ: Այո, դժվար է: Ես գիտեմ:
Դա մի ժամանակ է քո ու Աստծո միջև, մի ընթացք՝ անցնելու բացառապես Աստծո հետ:
Մենք պետք է վերադառնանք շնորհին ու գիտակցենք, որ Նրա ուժը բավական է, Նրա կյանքը մեր ներսում է, Նա ամեն ժամանակ մեզ հետ է, Նա մեր կողմից է…
10 քայլ, որ պետք է անել ամեն օր, երբ կյանքն անարդար է… նորից ու նորից
- Լսեք Աստծո շնորհի, ներման, հավատարմության մասին քաջալերող Խոսք:
- Կազմեք ձեր անձնական օրագիրը շնորհակալության: Փորձեք այդտեղ ամեն օր ավելացնել շնորհակալության 3 պատճառ: Սկզբում, հնարավոր է, ձեր ներսի ցավի պատճառով դա հեշտ չստացվի: Բայց սկսեք ընդհանուր արտահայտություններից, հետո հիշեք անցյալը, թե ինչեր է Աստված ձեզ համար արել: Ձեր աղոթքները վերածեք շնորհակալության:
- Ամեն ժամանակ լսեք երկրպագություն, թող այն միացված լինի, եթե անգամ ուժ չունեք բառերին ուշադրություն դարձնելու: Դրանք մի պահ կդիպչեն ձեր սրտին ու կշարժեն ձեր ներսը:
- Կենտրոնացեք և սկսեք տեսնել մանրուքներ ձեր կյանքում, որոնք չէիք նկատել նախկինում: Բնությունը, տերևների խշխշոցը, ծիտիկների ծլվլոցը… նայեք ու մտածեք ձեր տեսածի մասին:
- Սովորեք խորը շունչ քաշել: Ձեզ հիմա պետք է ավելի շատ թթվածին սրտի ու ուղեղի համար: Շունչ քաշեք քթով՝ հաշվելով մինչև 5-ը կամ մտքում արտաբերելով հետևյալ արտահայտությունը՝ «Ամեն բանի համար շնորհակալ եմ Աստծուն»: Հետո արտաշնչեք բերանով դանդաղ՝ հաշվելով մինչև 10-ը կամ մտքում ասելով՝ «Քրիստոս Հիսուսում ամեն բան ինձ համար բարիին գործակից կլինի»:
- Կազմեք ուրախ ժամանցի ցուցակ: Ես գիտեմ, որ հիմա դա անելը դժվար է: Բայց ուղղակի սկսեք: Թող ձեր ընտանեկան երեկոներն անցնեն թեթև հիշողությամբ՝ կյանքի ամենաուրախ պահերի:
- Հերթագրվեք մերսման համար: Ձեզ անհրաժեշտ է բալանսավորել նյարդային ու արյունատար համակարգերը ու հանել ձգվածությունը մարմնից, որպեսզի ձեր օրգանիզմը անկում չապրի իմունիտետի անկման պատճառով:
- Նայեք ձեր սիրելի հաղորդումներն ու ֆիլմերը, որոնք ստիպում են ձեզ ծիծաղել: Դա դեղի պես է ձեր շնչի համար:
- Թող առօրյայից ցրվելու ոչ ստանդարտ, ոչ սովորական գործողությունները դառնան ձեր լավագույն ընկերները հենց հիմա: Ամեն բան, որ խախտում է ձեր սովորական կենսակերպը. սկսեք անել: Անհրաժեշտ է ձեր ուշադրությունը այլ ուղղությամբ կենտրոնացնել և նոր հմտություններ յուրացնել:
- Տեղափոխվել: Գնալ ճանապարհորդության, գնալ ընկերների մոտ, բայց միայն նրանց հետ, ովքեր ոչ թե կվերահսկեն, այլ կօգնեն՝ լավագույնս հանգստանալու ու նոր տպավություններ ունենալու: Դա կյանքին նոր ռիթմ կհաղորդի, նոր գաղափարներ ու կվերադարձնի հույսը:
Դուք միայնակ չեք: Թույլ տվեք մարդկանց՝ սիրել ձեզ: Մենք պետք է սովորենք նոր իրավիճակներին ու շարունակենք ապրել:
Սվետլանա Սպիվակովա