Եկեղեցին ունի երիտասարդական ծառայության 2 խումբ, որոնցում երիտասարդները առաջնորդվում են Հովհաննես 13։34-35 խոսքերի սկզբունքով․

Ձեզ նոր պատվիրան եմ տալիս, որ սիրեք միմյանց. ինչպես ես ձեզ սիրեցի, նույնպես դո՛ւք միմյանց սիրեք։ Դրանով բոլորը կճանաչեն, որ դուք իմ աշակերտներն եք, եթե միմյանց նկատմամբ սեր ունենաք։

Ծառայության առաջնային  նպատակն է աստվածաշնչյան ուսումնասիրությունների, հոգևոր նյութերի քննարկման, պատգամների և հարց ու պատասխանի միջոցով օգնել երիտասարդներին աճել իրենց հավատքի մեջ, իրենց հավատքը և գիտելիքները բաժնեկցել իրար հետ, օգնել և աջակցել միմյանց, նաև ուղղորդել, որ իրենք էլ իրենց հերթին Բարի լուրը փոխանցեն իրենց շրջապատի մարդկանց։ Ծառայությունը նաև նպատակ ունի բացահայտել երիտասարդների տաղանդներն ու առաջնորդել նրանց ներգրավվելու տարբեր ծառայությունների մեջ (ավետարանչություն, փառաբանություն, մանկապատանեկան ծառայություն և այլն)։ Ծառայությունը խթանում է երիտասարդների միաբանությունը և մտերմությունը ինչպես եկեղեցում՝ Աստծո Խոսքի և ծառայությունների շուրջ, այնպես էլ եկեղեցուց դուրս՝ որոշակի միջոցառումներ և հավաքույթներ կազմակերպելու համար՝ ավելի ընկերական միջավայրում։

Երիտասարդները եկեղեցու լիարժեք անդամներն են՝ իրենց եռանդուն, նորարար, ստեղծագործ բնույթով, և ներգրավված են որոշակի ծառայությունների մեջ, մասնակցում են եկեղեցու կողմից կազմակերպվող արշավներին, ճամբարներին, նաև ժամանակ առ ժամանակ ինքնակազմակերպվող հավաքույթներին։

Սիրելի՛ ընթերցող, մեր երիտասարդական ծառայություններին միանալու ցանկության կամ այլ հարցերի դեպքում կարող եք կապ հաստատել ծառայության պատասխանատուների հետ․

Իսահակ Սարխոշյան` sarkhoshyanisahak@gmail.com

Հայկ Գրիգորյան` 010580890@mail.ru

Երիտասարդական ծառայությանը կարող եք հետևել նաև ֆեյսբուքում https://www.facebook.com/ech.emm.eri։

1/5