Ես կպայքարեմ 

Քրիստոնեական կյանքը մարտի դաշտ է:

Այսօր ես անհաջողության հանդեպ վախին տեղ չեմ տա: Ես թույլ չեմ տա, որ իմ հարաբերությունների ու գործողությունների մեջ անտարբերության հետք անգամ լինի: Ես հրաժարվում եմ ինքնաբավությունից:

Ես ընդունում եմ ուժը, որն Աստված դրել է իմ ներսում: Ես բաց չեմ թողնի ցանկացած հնարավորություն՝ փառաբանելու Աստծուն: Ես կտամ մեծագույն նշանակություն այն ամենին , ինչ Նա վստահել է ինձ:

Ես կպայքարեմ:

Իմ պայքարը մարմնի ու արյան դեմ չէ, այլ հոգևոր թշնամու, որը հակառակվում է ինձ: Ես կհանդիպեմ իմ թշնամում դեմ առ դեմ՝ վճռականությամբ լցված: Իմ թշնամին պայքարում է իմ դեմ, որովհետև նա վախենում է ինձնից: Երբ ես նրան հակառակ եմ կանգնում, նա փախչում է, և ամեն անգամ, երբ նա հիշեցնի ինձ իմ անցյալը, ես կհիշեցնեմ նրան իր ապագան:

Ես չեմ որոնի արդարացում, այլ բոլոր խոչընդոտների ու փակուղիների մեջ ես կգտնեմ ելքը: Ես չեմ դանդաղեցնի իմ առաջընթացը: Ես չեմ կորցնի իմ կոչումը, ես չեմ սասանվի, եթե անգամ թուլանամ: Ես չեմ փախչի վախից, եթե անգամ իրավիճակները դեպի վատը փոխվեն, որովհետև Նա, Ով իմ մեջ է, ավելի ուժեղ է, քան նա, ով աշխարհումն է:

Ես կպայքարեմ:

Եթե անգամ ես պարտվեմ ճակատամարտում, միևնույնն է, կհաղթեմ պատերազմը: Որովհետև Նրա համար ես ավելին եմ, քան հաղթող, Նրա համար՝ Ով սիրում է ինձ: Ես մերժում եմ այն ամբողջ սուտը, որ հնչում է իմ գլխում, որն ասում է, թե ես անպետք եմ, թե ամեն լավ բաներն արդեն անցյալում են, կամ էլ թե ինձ սպասում են ստորացումները: Սատանան խաբեբա է:

Աստված իմ մեջ հաղթանակ է դրել՝ Հիսուսի՝ իմ Տիրոջ միջոցով, և ես կպայքարեմ:

Ես չեմ ամաչում ներկայացնել Արքայությունը, որն անսասան է: Ոչ ոք չի կարող դեմ կանգնել Աստծո ծրագրին իմ կյանքի համար իմ կյանքի բոլոր օրերում: Աստծո հետ ես դուրս կգամ ցանկացած թշնամու դեմ, Նրա օգնությամբ ես կբարձրանամ ցանկացած պարսպի վրա:

Թեկուզ թշնամիները պատում են ինձ, Աստված էլ պատում է իմ թշնամիներին: Թշնամիները կհարձակվեն իմ վրա մի կողմից, բայց կփախչեն տարբեր կողմերով, որովհետև ոչ մի գործիք, որ դուրս գա իմ դեմ՝ չի հաջողվի, և ամեն լեզու, որ դուրս գա ինձ դատելու՝ կդատապարտվի:

Ես կպայքարեմ:

Իմ սիրտն ամուր է, իմ նպատակը՝ անձեռնմխելի: Ես միշտ լիության մեջ եմ՝ ծառայելով Աստծուն: Իմ ներուժը անսահման է, որովհետև անսահման Աստված իմ մեջ է բնակվում:

Ես կպայքարեմ:

Խաչը իմ առջևում է, աշխարհը՝ իմ հետևում. ես երբեք հետ չեմ վերադառնա, ես երբեք չեմ հանձնվի: Չեմ կանգնի ճանապարհի կեսին, այլ համառորեն կգնամ դեպի նպատակը՝ դեպի մրցանակը, որ արդեն պատրաստված է ինձ համար: Որովհետև ես վստահ եմ, որ ոչ մահը, ոչ կյանքը, ոչ հերշտակները, ոչ սկիզբը, ոչ ուժերը, ոչ ներկան, ոչ ապագան, ոչ բարձրությունը, ոչ խորությունը, ոչ որևէ մի արարած չեն կարող բաժանել ինձ իմ Աստծուց: Ու եթե իմ Աստված ինձ հետ է, ապա ո՞վ կարող է ինձ դեմ կանգնել:

Ես կպայքարեմ:

Սթիվեն Ֆուրտիկ