Աստված ստեղծել է բոլորիս Իր փառքի համար: Մեր ձեռքերը, ոտքերը և շուրթերը ստեղծվել են Աստծուն ծառայելու համար: Մենք արարվել ենք Աստծո ներկայությունը վայելելու համար: Մեր գոյության գլխավոր պատճառը Աստծուն օրհնելն է:

Մենք պետք է ջանք չխնայենք՝ ապրելու կյանքով, որը մեծարում է Նրան հիմա և հավիտյան: Դա, իրականում, շատ հզոր միտք է: Աստված յուրաքանչյուրին իրավունք է տալիս ընտրելու, բայց մենք պատասխանատվություն ենք կրելու այն բանի համար, թե ինչպես ենք օգտագործում մեր ժամանակը:

Գլխավորն այստեղ հետևյալն է. հասկանալ, որ դուք կանչված եք անելու և անելու դա՝ ձեր բոլորը ջանքերը գործադրելով ու հիշելով, որ ամեն բան սկսվում է Աստծուն ծառայելուց:

Նա արարել է մեզ՝ մեր հանդեպ սիրուց ելնելով: Աստծո ծրագիրը միշտ եղել է՝ ունենալ թագավորական քահանայություն և սուրբ ժողովուրդ, որը կկանգնի Իր առջև՝ երկրպագելու Իր սուրբ անունը: Մենք արարվել ենք Աստծո համար: Աստված սիրում է մեզ և ցանկանում ժամանակ անցկացնել մեզ հետ: Նա սիրող Հայր է, և Նա սիրում է լսել մարդկային ձայնը՝ երկրպագության ու աղոթքի մեջ:

Եսայի 43.7-ը խոսում է ժողովրդի մասին, որը արարվել է Աստծո կողմից Իր փառքի համար: Ես հավատացած եմ, որ Աննայի օծությունն ունեցող կանայք կբացահայտեն իրենց արժեքը Աստծո ներկայության մեջ: Անձնական հանդիպումը և Աստծուն ծառայությունը նրանց կոգեշնչեն՝ հնազանդվելու Աստծուն, և իրենց հանդեպ Նրա անսահման սիրո հասկացողությունը կծնի վստահություն ու խիզախություն: Նրանք կծառայեն և կանեն ինչ-որ մի բան սիրուց դրդված, ոչ թե հանուն իրենց գործերի կամ ձեռքբերումների:

Մենք հակված ենք զարգացնելու գործնական մտածելակերպ և կորցնելու մեր արժեքն ու ինքնագնահատականը: Բայց երբ մենք ժամանակ ենք անցկացնում Աստծո հետ, Նա բերում է ճեղքում մեր սրտերի մեջ, և մենք տեսնում ենք ինքներս մեզ Նրա փառքի լույսի ներքո:

Նրանք, ովքեր ունեն Աննայի օծությունը, կհասկանան Աստծուն ծառայելու նշանակալիությունը: Դա ծանր լուծ չէ, այլ առավելություն ու պատիվ: Դա ձեր իսկ անհատականության զարգացման բանալին է: Երկրպագությունն ու աղոթքը ամենաիմաստուն քայլն է, որ կարող ենք անել: Աստծո ներկայության մեջ հարատևելը կփրկի ձեր կյանքը:

Ես հավատացած եմ, որ պատճառը, թե ինչու Աննան սպառված չէր ամուսնու մահից հետո, կայանում է նրանում, որ նա ծառայում էր Աստծուն, և Նա էլ ծառայում էր նրան: Նա դառնում է 16-րդ սաղմոսի կենդանի պատկերը. «Դու ինձ ճանաչեցնում ես կյանքի ճանապարհը. քո երեսի առաջին ուրախությունների լիություն կա, և քո աջ կողմը՝ քաղցրություններ հավիտյան»:

Աննան գտավ իր կյանքի ճանապարհը, և դուք նույնպես կարող եք անել դա: Եթե դուք բախվել եք շփոթության՝ չհասկանալով, թե ով եք դուք և ինչ եք կանչված անելու ձեր կյանքի հետ, փորձեք ծառայել Աստծուն: Ժամանակ անցկացրեք՝ հռչակելով Նրա անունը և Նրա հանդեպ ձեր սերը: Հիշեք, որ դուք Նրա հարսնացուն եք: Ինչպես Աննային, Նա ձեզ էլ ցույց կտա ձեր կյանքի ճանապարհը:

Միշել Մակքլեյն Ուոլթերս

Post Views: 4