«Յուրաքանչյուրին տրված է միայն մեկ կյանք. ինչո՞ւ այն չապրել ինչպես հարկն է»:

Ջեք Լոնդոնի այս արտահայտությունն արդիական է բոլոր ժամանակներում: Յուրաքանչյուր մարդու համար կարևոր է ապրել կյանքն ու չափսոսալ ապրած օրերի համար: Երբեմն ամեն բան մեր շուրջը շատ բնական և հարթ է ընթանում, սակայն ներսում մի ձգտում կա ավելին ապրելու, ավելին տեսնելու…

Այս խոսքերը, հնարավոր է, օգնեն մեզ ապրելու ազատ և զերծ մեզ սահմանափակող կաղապարներից:

Նախ՝ փորձե՛ք տեսնել ձեզ շրջապատող մարդկանց և գնահատել կյանքը: Եթե սիրեք կյանքը, ապա կցանկանաք ապրել ամեն մի րոպեն:

Փորձեք «զգո՛ւյշ վարվել» ձեր ժամանակի և ձեր ծախսած ջանքերի հետ: Բոլորը չեն, որ հասկանալու են ձեզ, բայց միայն դուք ինքներդ եք գիտակցելու ձեր արածի արժեքը:

Ներե՛ք այն մարդկանց, ովքեր վիրավորել կամ նեղացրել են ձեզ: Նա, ով առաջինն է ներողություն խնդրում, ավելի համարձակ և ինքնավստահ է: Ներելը ուրախություն է բերում:

Եղե՛ք այնպիսին, ինչպիսին իրականում կաք: Մարդիկ տարբեր են. եթե դուք այնպիսին չեք, ինչպիսին բոլորը, դա դեռ չի նշանակում, որ դո՛ւք պետք է փոխվեք: Գնահատեք ձեզ այնպիսին, ինչպիսին կաք, բայց միշտ ձգտեք փոփոխության, դրական փոփոխության:

Իմաստո՛ւն եղեք փոխհարաբերությունների հարցում: Միմյանց հետ լավ ժամանակ անցկացնելուց բացի, շատ կարևոր են նաև դժվարության պահերին միասին լինելը: Գնահատեք և արժևորեք ձեզ շրջապատող մարդկանց:

Անցյալը թողե՛ք անցյալում, այն մի՛ վերապրեք անդադար: Թող ձեր անցյալը չգողանա ձեր ներկան: Ապրեք այսօրվա օրը, որովհետև այս օրը այլևս չի կրկնվելու:

Կյանքը գեղեցիկ է, ապրե՛ք այն…

Մարկ Չերնով